बारीमै कुहियो तरकारी

0
427

काठमाडौं- कोरोना भाइरस (कोभिड–१९) रोकथामका लागि सरकारले लकडाउन लागू गरेपछि अत्यावश्यक वस्तु एवं कृषि उत्पादनको ढुवानी सहज बनाउने बताउदै आएको छ । तर किसानहरु भने आफ्नो उत्पादन बिक्री नभएर समस्यामा परेका छन् । एकातिर तरकारी आपूर्ति कम हुँदा उपभोक्ता महँगोमा खान बाध्य छन् भने अर्कोतर्फ ढुवानी नहुँदा किसानहरुले लाखौंको नोक्सानी ब्यहोर्नुपरेको छ ।

कोरोना भाइरस रोकथाम तथा नियन्त्रणका लागि सरकारले लकडाउन गरेको एक महिना भन्दा बढी भइसकेको छ । देशभर जारी लकडाउनको कारण सवारी आवागमन ठप्प छ । सरकारले खाद्य वस्तु एवं अत्यावश्यक वस्तुको ढुवानीमा कुनै रोक नलगाएको बताउदै आएको छ । तर किसानले भने आफ्नो उत्पादन बजार सम्म पुर्‍याउन नपाउँदा समस्यामा परेका छन् । किसानले उत्पादन गरेको तरकारी बिक्री नहुँदा कुहिएर गएको छ ।

चितवनको खैरहनी नगरपालिका वडा नम्बर २ का धनश्याम दासले २२ बिगाह जमिनमा तरकारी खेति गरेका छन् । लकडाउनको कारण तरकारी बिक्री नभएको भन्दै व्यापारीले तरकारी नलैजाँदा उनले गरेको उत्पादन बारीमै कुहिएको छ । तीन बिगाह क्षेत्रफलमा लगाएको पाटे घिरौंला प्रसस्त उत्पादन भएको छ तर बिक्री नभएपछि सुकेर गएको छ । कुनै बेला एक सय रुपैयाँ प्रति किलो बिक्री हुने पाटे घिरौंला अहिले सस्तोमा दिँदा समेत बिक्री नभएको गुनासो उनको छ ।

Facebook Comments

LEAVE A REPLY

Please enter your comment!
Please enter your name here